Freitag 19.07 – Heimreise

Von Jordi, 15 Jahre alt (Leiter Kadas)

Gester Abig han ich mit em Nicolas no euses Zelt verruumt und denn isch au scho go schlafe goh agseit gsi. So öppe 8 Leiter hend denn uf em Lagerplatz gschlafe und de Rest (inkl. mir) sind echli weg vom Lagerplatz go schlafe. Döt han ich glaubs min beste Schlaf vom ganze Lager gha.

Am nechste Morge sind mer ufgstande. Mir hend alli zeme zum letzte Mal de Platz gfötzelet. Vor dem hemmer aber no Zmorge gässe und hend euse Lunch für d Rückreis gfasst. Nach em Fötzele hemmer euses grosse Gepäck is Lagerauto geh und das isch denn uf Curaglia gfahre worde. Denn ischs au scho losgange und ich bin mit em Miro L. und Miro S. abe gloffe. In Curaglia hemmer no chli uf de Bus gwartet. Mir hend eus d Zit mit em Verkaufsautomat vor em Lädeli vertriebe. Wo mer in Disentis acho sind hemmer wieder echli Zit gha zum umstiege und denn simmer in Zug uf Chur igstiege. In Chur hemmer ufgrund vo Verspätig de Zug verpasst und hend müesse en andere neh. Nach dem simmer in Züri acho und denn au scho de letzti Zug. In Bade simmer denn alli erschöpft acho. Hend eus aber alli scho sehr gfreut wieder dihei is warme Bett z liege.

Da hend no es paar Chinder ihri Meinige zum Lager allgemein ufgschriebe:

Miro S.
+Der Lagerplatz war schön, wir hatten Glück mit dem Wetter, ich mochte das Essen
-Es war mühsam zum Wasser besorgen, einige Kinder nervten mich, manchmal gab es untereinander Konflikte, in den letzten 2 Tagen war die Stimmung unter den Leitern nicht so gut, Mücken und Käfer nervten

Miro L.
+Die Sportwiese war nice, die Story vom Lager war cool, unsere Actions waren crazy, das Essen war immer fein
-Keine gute Stimming unter Leitern,

Akas
+Ich fand das Essen gut, das Verhältnis zu den Leitern war cool, die Sportblöcke machten Spass, die Leiter gingen gut mit uns um, ich hatten viel Spass mit den Kollegen
-Bei den Sportblöcken wurde es immer sehr hitzig, Birchermüsli war nicht gut, ich fand das die Action ein bisschen zu kurz kam

Juri
+Das Wetter war gut,
-Das aufräumen fand ich ganz klar nicht cool

Oli
+Das Thema war geil, die Paninis waren super, unter dem freien Himmel schlafen war cool
-Die Tribes (Teams) waren nicht so meins, ich hätte lieber mehr Spiele wie British Bulldog gehabt, die Nachtruhe fand ich etwas nervig

Noé
+Das Essen war fast immer gut, die Paninis waren sehr geil, ich fand es auch cool das wir T-Shirts bekamen, ich fand die Idee des MVP cool
-Ich fand, es gab ein bisschen wenig Action

Andor
+Ich fand den Buebetag gut, die Team-Tshirts fand ich cool
-Ich fand es blöd, dass es keinen Überlebenstag gab

Philipp
+Ich fand es cool, wenn sich jemand verletzt hatte, dass die Leiter schnell reagieren konnten, ich fand die Gestaltung des Abends cool, das Essen war lecker, ich fand es auch cool, dass es jeden Tag verschiedene Spiele gab
-Ich hab nichts negatives

Fabio
+Ich fand es cool immer die Zeit mit Freunden verbringen zu können, ich fand die Actions sehr cool, die Zweitageswanderung fand ich auch cool, sowie die Sportblocks, das Essen war immer mega fein
-Ich fand es nicht cool, dass es am Anfang die ganze Zeit regnete

Gregory
+Ich fand die Paninis und den Shop cool, die Story fand ich auch cool, die Stimmung war geil, das Sportmachen war cool
-Der Abschluss der Story war etwas uncool, viele Sachen wurden schnell gestohlen und gingen verloren

Donnerstag 18.07 – Aufräumen

Von Fabio, 12 Jahre alt (Gruppe Fuegos)

Es het 3 Mal ghornet, also Scharalass. Denn simmer halt is Scharzelt und mir hend gsunge. D Leiter hend no es paar Informatione geh zum nächste Tag.

Am Donnstig; also hüt; hemmer alles müesse ufrume. S Scharzelt, s Chuchizelt, eifach alles! Ich han müesse d Blache mache und han müsse Fötzele und denn hemmer nomal en Scharalass gha am Abig und denn hemmer am Scharalass eus Witz erzählt, eus sind nomal Sache gseit worde und mir hend eus müesse ipacke zum eusi Nacht under em Sternehimmel z verbringe. Ja, das wärs eigentlich gsi.

Mittwoch 17.07 – Buebetag (2. Tag)

Von Janis, 16 Jahre alt (Leiter Kadas)

Gester Abig hets scho ziemlich bald nach de feine Ravioli de Scharalass geh. Nachher simmer scho ziemlich schnell is Scharzelt und ich han usgrüeft, dass alli ruhig sie söttet. Nachher isch de MVP vom Fahnegame verzellt worde. Denn hemmer agfange singe. Irgendwenn dezwüsche simmer grob gstört worde, will 3 Lüt mit Gasmaskene ine cho sind und de Louis gklaut hend. Nachher simmer los grennt mit Horn, Böller und Taschelampe und hend probiert die 3 Gängsters abzlenke. Nachher het die 2. Gruppe de Louis wieder befreit und mir sind nomal zrugg is Scharzelt gange. Det hets denn no es schiefs FliFly geh und es classic 1212. Nachher isch de Scharalass beendet gsi und d Chinder sind go penne.

Am nechste Morge simmer ufgstande und ich bin früeh is Chuchizelt gange zum Zmorge vorbereite. Ich bin nämlich weg diese Bubetag als Chuchi iteilt worde. Nach em Zmorge hets es Kubb geh und denn hets au scho bald fetts Zmittag geh. Es het Birchermüsli geh (präprä). Nach em Zmittag isch s Namitagprogramm verkündet worde, nämlich sind Paninis tradet worde. Neue Karte sind in Umlauf cho und s hend scho viel chönne ihres Paniniheft voll mache. Nach dem isch chille agseit gsi und irgendwenn hets denn au scho Znacht geh. Zum Znacht hend d Leiter alli wie gwohnt nach em Buebetag eignigs Esse mitgno, das heisst GRUPPEFOOD!!! S Gruppefood später bin ich jetzt au scho da am Lagerblog schribe.

Dienstag 16.07 – Buebetag (1. Tag)

Von Alexander, 8 Jahre alt (Gruppe Ex-Kadas)

Gestern gab es Buffet mit Resten zum Abendessen. Danach habe ich mit Jason Fussball gespielt. Später habe ich Pause gemacht bis zum Scharanlass. Während dem Singen ist ein Spanier aufgetaucht und wir entschieden uns eine Nachtwache aufzustellen. Über Nacht wurden unsere Pokale gestohlen.

Heute morgen sind die Leiter losgegangen, um sie zurück zu holen. Zum Mittag gab es Burger und Pommes und danach haben die neuen Leiter der ältesten Gruppe einen Sportblock vorbereitet und wir haben 2 Stunden gespielt. Nach dem Sport haben wir geschnitzt und jemand hat sich fest in den Finger geschnitten was etwas Chaos auslöste. Später gab es lecker Ravioli und das wars für heute.

Montag 15.07 – Achter Lagertag

Von Silvano, 11 Jahre alt (Gruppe Fuegos)

Gester Abig hemmer s EM-Final gluegt. S’isch uf s Lagerauto beamt worde und es het ide Halbzit no Süessigkeite geh. Es het sehr viel Spass gmacht alli zeme z’luege. Am Morge hemmer gfötzelet und de Platz ufgrumt, so dass alles wieder suber isch. Denn hemmer eifach no bis zum Zmittag chillt. Denn hets zum Zmittag Ghacktes mit Hörnli geh. Es isch ziemlich fein gsi. Nach em Zmittag hets es Tanball geh. Das isch es Spiel wo mer met em Ball chan renne. Hindere tuet mer mit de Händ de Ball neh und vöre mit de Füess. Denn hemmer wieder eifach chönne chille und zum Znacht hets Reste geh. Es isch en coole Tag gsi und mer hend viel gmacht. So isch de Tag au scho verbi und jetzt bin ich da am Lagerblog schriebe.

Sonntag 14.07 – Finale des Cultus-Cup

Von Rafael, 12 Jahre alt (Gruppe Siorcs)

Gester Abig hets Buffet ghornet. Denne isch eus gseit worde, dass mer wie i eusne Familie essed. Denn simmer mit de Familie zu eusne Gruppeplätz und hend det es Füür gmacht. Denne hemmer s Gerstesuppepulver und s Wasser in Topf ine toh. Nachdem mir eusi Teller abgwäsche hend, hemmer s Dessert gässe. Denne hemmer um s Füür campet und plötzlich hemmer 1 Fackle gseh. Denne sind zwei Ohanas cho und hend eus gfragt wieso mer eifach uf Disentis gloffe sind. Denn hemmer gseit, dass das de Ort uf de Charte gsi isch und mir entschuldiget eus. Denne het de Ohana-Mensch em eine gseit es isch alles egal. Denne het er gseit, “Morn isch s grosse Finale vom Cultus-Cup.” und het gseit mer söttet de gwünne und drum hemmer müsse us eusem Pokal use trinke. Nachdem mer us em Pokal trunke hend, hemmer euses Ritual gmacht, nämlich Tierspure sueche. Er het eus au no gseit mer söttet de Pokal bhalte. Denne simmer go schlofe. Am nächste Morge hemmer Zmorge gässe und wenig später hets en Scharalass geh. Am Scharalass isch gseit worde, dass hüt s Finale isch und das es Gländgame isch. Bim Gländgame hets so verschiedeni Spiele geh und wenn mer es Spiele gwunne gha het, denn het mer so en Münze becho. Mit de Münze het mer zum Oli chönne go, wo mer es Reagenzglas mit Salzwasser becho het. Das Reagenzgläsli het mer denn zum Gruppeplatz bracht, wo s denn verchochet worde isch. Nachher isch nur no en Topf voll Salz übrig blibe. Das Salz hemmer müsse am Oli bringe. Denne hets zum Zmittag ghornet. Zum Zmittag hets Poulet Süss-Sauer geh. Nachem Zmittag hemmer Zit zum umechille gha und denn hets en Scharalass geh. Bim Scharalass hemmer die Sach vo gester Abig besproche. Nachem Scharalass hets Znacht geh. Das sind Nüdeli und e Suppe gsi. Nachher gömmer go Fuessball luege und ich bin für Spanie!

Samstag 13.07 – Wellnesstag

Von Aeneas, 14 Jahre alt (Gruppe Armaduras)

Fritig: Wo mer zrugg cho sind vom Bunker, hets afange fest regne. Nachher hets scho bald mal Znacht geh. Es het Spätzli mit Chässauce geh. Wiedermal en Meisterleistig vo de Chuchi. Am Abig hets kein Scharalass geh, da s Scharzelt dunde gsi isch und es fest gregnet het. Die meiste so wie ich sind denn no es bizli dusse blibe und sind denn is Bett.

Samstig: Mer sind durch ganz luti Musik ufgweckt worde am 8:30. Nach em Zmorge hets denn baldmal en Scharalass geh, wo verkündet worde isch, dass es en Sportblock git. Mir hend es Fahnegame gspielt. Bim Fahnegame gits 2 Teams. S’einte versuecht d Fahne zu verteidige, die ide Mitte vom Spielfeld isch und s andere Team probiert d Fahne über ihre eigeni Linie z becho. Während em Sportblock hets mehreri Stritigkeite zwüsche Leiter geh, was aber nöd zu grosse Auswirkige gfüehrt het. Nach em Sportblock hets denn zum Zmittag Fotzelschnitte geh. Dezue hets no Rande- und Maissalat geh. Nachher hets en churzi Pause geh, bis zum Scharalass. D’Lagerleitig het gseit, es git de Wellness-Tag. Es het 5 Poste geh, wo mer ane het chönne gah. De 1. Poste isch d Ruckemassage gsi, gleitet vom Dyrk, vom Jason und vom Amiir. De 2. Poste isch d Handmassage bim Dominik gsi. De 3. Stand isch d Gsichtsmaske bim Max und bim Janis gsi. 4. Stand isch de Chillstand bim Illias und bim Marius gsi. De 5. Stand isch de Hottub vo de Chuchi gsi. Da am Abig hemmer mit eusem Tribe Gerstesuppe und Wienerli über em Füür kochet.

Freitag 12.07 – Zweitageswanderung (Rückreise)

Von Pascal, 9 Jahre alt (Gruppe Torrons)

Am Scharalass isch en Schmied cho, wo eus en Brief und es neus Horn geh het. Denne het er gseit mer müend ihm nöd glaube und wo mer wieder cho sind isch er nümm döt gsi. Denne hets Dessert geh. Nach em Dessert het min Brüeder a eusne Eltere aglütet. Nachher simmer go Zäh putze und denn go schlafe. Denn bin ich go schlofe und am nöchste Tag simmer früeh ufgweckt worde. Denne simmer los gloffe, will mer uf de Zweitageswanderig gsi sind und denn hemmer gmerkt dass s Wetter schlecht isch und sind mit em Postauto uf Curaglia. Denne wo mer in Curaglia acho sind, simmer i einzelne Gruppe für en Wettkampf ufegloffe. Dobe hemmer Snacks becho wo mer acho sind. Denn hets gheisse, mer söttet go vorpacke, falls mer evakuiert werded, wills viel gregnet het. Denne bin ich go packe und nachher hemmer ghört, dass es zu öppe 20% isch, das mir müend gah. Denne bin ich mit em Lagerauto go Sache für de Tiefküühler in Tiefkühler go tue. Denne simmer zrugg cho. Denn bin ich no go Wasser hole, wills kei flüssend Wasser het. De bin ich zrug cho vom Wasser hole und jetzt bin ich da am Blog schribe. Wies witer goht, weiss ich nonig.

Donnerstag 11.07 – Zweitageswanderung (Anreise)

Von Moritz, 14 Jahre alt (Gruppe Armaduras)

Gester am Scharalass hemmer d Mission becho, eusne Charte do ane uf Disentis z wandere. Am nächste Tag hemmer uf em Weg ganz viel tolli Sache gseh, wie z.B Wasserfäll. S’isch au cool gsi zeme ide Natur z’si und dass nöd alli am Handy gsi sind. Alles in allem isch es recht entspannt gsi. Wo mer acho sind, sind alli Chinder zerst no in Coop gange. Nachdem eusi Jungwacht im Coop gsi isch, het de Coop kei Mate meh gha will alli eine kauft hend. Nachher hemmer alli zeme no es Glace gässe und sind denne zum Bunker, wo mer die hütig Nacht au schlafe werded. Am Afang ischs recht hektisch gsi und s hend alli umegschroue. Nach villicht so enere halbe Stund hemmer chönne us em Bunker us gah und d Stimmig het sich entspannt. Es isch en recht chilligi Atmosphäre gsi und mir sind i de nöchi vo de Strass ghocket und hend alli zeme gredet. Nachemene Weile isch denn s Chuchi-Team cho und het s Hüehnli und Chips mitgno. Dass hemmer denn eus denn jeweils z’dritte teilt. Denn isch eigentlich de Abig au scho verbi. Jetzt am Schluss gits no Dessert.

Mittwoch 10.07 – Dritter Lagertag

Von Andor, 14 Jahre alt (Gruppe Armaduras)

Gester bim Scharalass hemmer drü schöni Liedli gsunge und de Elia und Domi hend no paar Sache erklärt. Churz druf abe simmer denn au scho go schlafe. Am Morge simmer ufgwacht, de Fionn isch cho wecke. Direkt nachher simmer go Zmorge ässe. Nach em Zmorge hets gli en Scharalass geh. Det isch eus mitteilt worde, dass mer nomal Zit hend a eusne Gruppeplätz witer z’arbeite, währenddesse sind die Multus-Cultus Type cho und hend sich entschuldiged für das sie gester fast de Amiir entfüehrt hend, will mir kei Sport gmacht hend. Dezue hends eus en Viertel vo enere Charte geh. Jedi vier Gruppe het so en Teil becho. Zerst hend sich alli dezue entschiede über die Charte z schweige, aber denn am nächschte Scharalass hend zuegeh, dass sie so en Teil hend. Öppe e Stund vor dem Scharalass hets zum Zmittag Cordon Bleu geh. Am Nomitag hets denn es fetts Vierer-DoDoDo geh. Alli vier Sportclüb sind gägeendand atrette. Gwunne hend Janajatis. Wo mer vom DoDoDo zrugg uf de Lagerplatz cho sind, hets no en Chartechunde geh. Es isch chli Chillzit vergange und denne hets au scho Znacht geh (Pilz-Risotto). Nach dem Pilz-Risotto isch au scho ziemlich gli de Andor bim Jordi go de Lagerblog schribe.

Dienstag 09.07 – Zweiter Lagertag

Von Juri, 11 Jahre alt (Gruppe Siorcs)

Am Mäntig Obig hemmer Scharalass gha. Eigentlich isches eher Alarm gsi, will irgend so en Typ wo offebar irgendwie zu dene 4 Gruppe ghört het. Zerst hemmer ihn agriffe und gschlage, doch er isch eigentlich eher harmlos gsi. Mir sind denn zum Scharzelt gange und ihn mitgno. Er het eus denn gseit, dass die 4 Gruppe gfährlich sind und mir eus in Acht neh söllet. Er isch denn wieder abghaue und het gseit, dass er mal zu dene Gruppe ghört het und denn aber sin Tod vortäuscht het. Mir hend nachher no erfahre, wer die beste Zelt baut het und sind nachher scho bald go schlafe.

Am nächste Tag simmer gweckt worde und sind denn zum Zmorge hole gange. Zum Zmittag hets Fischknusperli mit Spinat und Salzherdöpfel geh. Mir sind nachher scho bald ufs Feld vom Buur go heue. Das hemmer müsse mache, will mir süscht kei Spielwiese für Sportevents gha hättet. De Buur het eus sis Feld freiwillig zur Verfüegig gstellt. Denn sind aber plötzlich Lüt wo offebar zu de 4 Gruppe ghört hend. Sie hend eus droht, dass sie eusi Zelt azündet, wenn mir nöd sofort Sportwettkampf mached und ufhöred heue, will mir ihne versporche hend, dass mir für sie spieled. Nachher simmer aber wieder hei gange ohne fertig z’heue. Do hemmer denn en chline Postelauf gmacht. Nachher hemmer müesse selber Teigware über em Für gmacht. D’Teigware sind zwar nöd ganz dure gsi, aber mit de Sosse sinds no ganz fein gsi. Nachher hets no Glace als Dessert geh und jetzt warte mer uf de Scharalass.

Montag 08.07 Lageraufbau

Von Gregory, 13 Jahre alt

Mir sind am Nüni am Morge g’weckt worde, und hend euses Zmorge chöne ässe. Nachher hemmer rächt viel Freiziit gha. Mir hend chönne in eusne Zält bliibe, öppis baue oder mit Kollege öppis mache. Und gäge die 2 Uhr, hets wieder en Schaaralass geh, und mir hend müesse aafange, Gruppezält baue, wo mer ässe chan und wo Aktivitäte sind. Will i dem Lager, gaht es drum, um so en Sportverein wo us vier Gruppe bestaht. Und jedi vo dene Gruppe het sich müesse es Zält baue. Nachdem Zälter baut sind, hets Ässe geh, und nachem Ässe hemmer zrugg i’d Zält müesse und nochli dra wiiterbaue.

Sonntag 07.07 Anreisetag

Von Enzo, 9 Jahre alt

Als erstes haben wir uns in Baden getroffen, dann mussten wir eine Stunde warten. Danach nahmen wir den Zug nach Zürich. Von dort gingen wir bis auf Chur, und von dort dann bis nach Disentis. Und von dort mit dem Bus nach Curaglia. Das Gepäck liessen wir in Disentis, das wurde auf den Lagerplatz raufgefahren. Von Curaglia liefen wir auf den Lagerplatz. Dort sind wir in das Scharzelt gegangen. Es wurden Lagerregeln erklärt und ein zu süsser Lagertrank haben wir getrunken. Nachher habe wir unseren Platz eingerichtet. Dann habe ich eine Feuerstelle gebaut. Aber es hat nicht geklappt, das Loch war zu nass. Dann haben wir uns mit Essgeschirr bei der Küche getroffen und im Scharzelt Spaghetti Bolognese gegessen. Dann haben wir das Geschirr bei der Küche abgewaschen und ins Zelt genommen, dann konnten wir machen was wir wollten. Und irgendwann gehen wir wahrscheinlich ins Bett.